FaMiLiArEkIn BaTeRa sUkAlDaRiTzA eTa SoRmEnArEn MuNdUaN mUrGiLdU nAhI bAdUzU......OnGi EtOrRi IrUdImEn EtA fAnTaSiAz BeTeRiKo BlOg HoNeTaRa!!

Umeak eta sukaldaritza euskaraz

<< Ikasteko adinean daude txikienak. Sukaldea ere eskola ederra da gurean. Horretaz badakite gura ama eta amamek. Gure arbasoek bezala gure ondorengoek. Argazki kamera, irudimena eta sukaldari onen laguntzaz osatu dugu lan hau, liburu hau. Etxeko gazteenek jolas dezaten, jan dezaten, egin dezaten. Euskarazko errezeta liburua da Errazetak. Belaunaldiz belaunaldi jaso ditugunak, molde berriz eskaintzen ditugu orain, kolorez jantziak, irudimenez ornituak, baina platererako prest. >>
(Eneko Atxak liburuaren argitalpen egunean esandakoa)

Umeekin jolasean egiteko errezetak!

Eneko Atxa gazteenekin aritu da oraingoan. Jolasean, olgetan. Umeekin euskaraz eta sukaldean.
Andoni Lupiañezekin batera Errazetak izeneko umeentzako liburua egin du.
Umeekin jolasean aritzeko errezetak, ipuinak, trukoak eta ezusteko gehiago.
Liburu batean bilduak, erabiltzeko, zikintzeko, berriz txukundu eta hurrengoan pentsatzeko.

<< Sukaldea garrantzitsua da gure bizitzan, gure ohituretan. Bizitzeko ez ezik, elikatzeko, egoteko eta jakiteko baliatu ditugu sutondoko kontuak. Orain ere antzera gabiltza, sukaldeko kontuekin umeei gauza berriak egiten erakutsi gura diegu, barre egiten, jolas egiten, gure produktuak ezagutzen, gure ohiturak zabaltzen…>>
(Eneko Atxa)

Kamila zebra

Hona hemen slideshare izeneko programan eskegi dudan power pointa. Power pointa, haur eta gazte literatura ikasgaian landutako liburu baten unitate didaktikoa da.

Kamila ppt

View more presentations from ehernando.

Tutoriala

Hona hemen Nagore eta biok egindako tutoriala. Posta elektroniko bat argazki batekin zelan bidali behar den jakin nahi baduzu, tutorial hau begiratu eta erraz erraz egiten dela konturatu zara.


euskaltube.com bideoak | Izenburua: TUTORIALA | Erabiltzailea: marina

Elikadura taula

Elikadura egoki bat izateko zer nolako elikagaiak jan behar ditugun azalduko digu internetetik ateratako ondorengo taulak. espero dut baliagarria izatea.

elikadura taula

Power pointa: "elikadura osasuntsua"

Slide share izeneko programatik ateratako power point hau aukeratu dut nire blogaren gaiarekin guztiz erlazionatuta dagoelako eta oso interesgarria dela uste dudalako. Animatzen zaituztet power point hau ikustera, elikadura osasuntsuaren garrantziaz jabetu behar gara eta!

ELIKADURA ETA OSASUNA

View more presentations from bioeuskadi.

Sukaldea jolastoki?

Calameo izeneko web horri batetik ateratako argitalpen bat igo dut, nire blogarekin guztiz erlazionatuta dagoen artikulu batekin topo egin dudalako. Artikulu hau, Ordiziako jakintza ikastolak hilero argitaratzen duen aldizkari batetik aterata dago eta Eneko Atxak aurten argitaratutako errezeta liburuari buruzkoa da. Eneko Atxa hain zuzen ere, nire blogean eskaini ditudan errezeta ludiko guztien egilea da. Beraz, espero dut zuen interesekoa izatea.

http://es.calameo.com/read/0000018568467f392f657

Webquest

sukaldaritzari buruzko mini quest modura antolatutako webquest bat aurkitu dut interneten.5 eta 6.mailarako egokia dela uste dut.

you tubetik hartutako umeentzako errezetei buruzko bideo bat

Nafarroako Komunitateko Lehen Hezkuntzako irakaskuntzarako kurrikulumari buruzko mapa kontzeptuala

EAEko Oinarrizko Hezkuntza Kurrikulumari buruzko mapa kontzeptuala

- Argitxoren perretxikoak -

OSAGAIAK: (2 lagunentzat)
Eusko label patata egosi bi, artoa, letxuga, zortzi cherry tomate, maionesa.

PROZEDURA:
Tomateak izan ezik beste barazkiak dadoetan moztu eta maionesarekin nahastu. Plateretan banatu eta luzetara moztutako letxugaz estali. Patatak egosi, zuritu eta zilindro itxurako zatiak egin. Egokiena bihozgabetzeko tresna bat erabiltzea litzateke, baina guraizeak ere erabili ditzakegu. Perretxikoaren zurtoina izango da. Cherry tomateen goialdea moztu, kontu handiz hustu eta patatarekin egindako zurtoinaren gainean jarri. Txotx batekin maionesa motatxoak jarri han hemen, tomatearen gainean.

- Pailazoen tagliatelleak -

PROZEDURA: (2lagunentzat)

Kalabazin zati bat, berenjena zati bat, azenario bat, bi gari-zainzuri, idiazabal gazta zati bat, erremolatxa egosi bat, Eusko label 100 g haragi txikitu, tipula, hiru koilarakada tomate.

PROZEDURA:
Azal-kentzekoarekin tagliatelle itxurako zati luzeak eta estuak egin barazkiei; zabalegiak irtenez gero labanarekin moztu. Helduak garizainzuria frijitu. Barazkiak ontzi batean sartu, ura, gatza eta olio zorrotada batekin eta mikrouhinean sartu lau minituz 550kw-tan. Kalabazina, errmolatxaren ura duen ontzi batean jarri 2 minutuz mikrouhinean. Típula zartaginean gorritu, eta ostean, Eusko Label haragia txikitua gehitu. Eginda daukagunean tomate saltsa bota eta zartaginean utzi 3 bat minutuz. Errezeta aurkezteko: kalabazina=ilea, veste barazkiak=buruaren forma, gazta=aurpegia, cherry tomate erdia= sudurra, haragia=ahoa, gari-zainzuria=begiak.

- Fruten jogurta -

OSAGAIAK:
- 2 laranja
- banana bat
- 2 jogurt
- azukrea
- marrubi mermalada

PROZEDURA:
Helduak laranjari goialdea moztu eta umeari, koilara batekin barrukoa husten lagunduko dio. Banana zuritu, eta laranjatik ataratakoa mamiarekin nahastuko dugu dena. Laranja eta bananari lau azukre koilarakada eta jogurta gehitu eta helduak dena batera irabiagailutik pasako du.
Hustutako laranjak nahasketarekin bete eta izozkailuan sartu ordu betez. Zerbitzatu aurretik gainetik marrubi mermelada apur bat bota diezaiokegu.

- Oilasko eta arto piruletak -

OSAGAIAK: ( bi lagunentzat )
- arto txigotua
- 200 g Eusko Label oilasko izterra
- 100 ml olio
- gustuko dugun edozein saltsa: maionesa, tomatea...

PROZEDURA:
Kalitateko oilaskoari azal kendu eta guraizeekin zatitu. Mokadutxo baten tamainan utziko dutugu. Arto-aleak zapi batean batuko ditugu. Haurrak koilara batekin kolpeak emango dizkio dena txiki txiki eginda utzi arte. Oilaskoari gatza bota eta txikitu berri dugun arto birrinetan ondo igutzi, arto zatitxoak oilaskoan itsatsi arte. Oilaskoa frijitu eta platerera ateratzerakoan paperezko zati bat jarri azpian, hartutako olioa xurgatu dezan. gero txotxak sartu.

- John Brownen barazki tenpurak -

OSAGAIAK: ( bi lagunentzat )
- kalabazin zati bat
- azenario bat
- azalore zati bat
- Eusko Label tomatea
- bi tenpura koilarakada
- sei koilarakada ur hotz
- olioa
- gatza
- egindako tomatea

PROZEDURA:
Barazkiak garbitu, zuritu eta zati luzeetan moztu. Helduak zati luzeak egin ditzake eta haurrak hauek erdibitu. Tenpura eta gatz koilarakada bat ontzi batean jarri. Ur hotza poliki poliki bota eta irabiatzen joan. Tenpuraren ordez irina erabili daiteke. Egindako nahasketan (ez dadida oso sendoa izan) barazkiak ondo busti. 30 segundotan frijitzen utzi eta paperezko zapia duen platerera atera. Egindako tomatea berotu eta plateretan jarri. Barazkiak tomatearen gainean ipiniko ditugu sua pizteko egurra jartzen ariko bagina bezala.